Hugleiðsla eftir Swami Rama 
The real meaning of meditation
Lausleg þýðing úr  Yoga Joyful Living 10. tbl. 2006 s. 37

Hugleiðsla er tækni til að hvíla hugann og ná því hugarástandi sem er mjög ólíkt vakandi ástandi. Hún er leið til að ná öllum stigum af sjálfum okkur og skynja og upplifa  okkar eigin dýpsta eðli. Hugleiðsla er ekki tengd trú; hún er fræðigrein sem þýðir að hún lýtur ákveðinni reglu, hefur ákveðið lögmál og framleiðir árangur sem hægt er að mæla. Í hugleiðslu er hugurinn skýr, afslappaður og beinist ákveðið inn á við. Þegar þú hugleiðir ertu alveg vakandi en hugur þinn beinist ekki að heiminum fyrir utan eða því sem gerist í kringum þig. Hugleiðsla þarfnast innra ástands sem er kyrrt  og skýrt þ.a. hugurinn verður hljóður. Þegar hugurinn er hljóður og truflar þig ekki þá dýpkar hugleiðslan.

Frá unga aldri hefur okkur verið kennt að kanna og sannreyna heiminn í kringum okkur. Enginn hefur kennt okkur að leita inn á við að finna innra með okkur og sannreyna það sem við skynjum. Því erum við ókunnug okkur sjálfum þegar við reynum að kynnast öðrum. Þessi skortur af sjálfsskilningi er ein meginástæðan fyrir því að samskipti okkar við aðra mistakast og hversvegna við upplifum svo oft ringulreið og vonbrigði í okkar lífi.
Mjög lítill hluti hugar okkar er menntaður úr okkar menntunarkerfi. Hluti hugans sem dreymir og sefur, hið mikla ríki undirvitundarinnar sem er reynslunáma okkar, er áfram óþekkt og óöguð, við stjórnum því alls ekki.  Það er satt að allur líkaminn er í huganum en allur hugurinn er ekki í líkamanum. Nema fyrir tilstilli hugleiðslu, það er engin önnur leið til að ná að þroska  eða ná einhverri  stjórn á óendanleika hugans.
Markmið hugleiðslu er að fara lengra en hugur okkar og upplifa okkar undirstöðueðli
sem er lýst sem friði, hamingju og alsælu eða fullkominni hamingju. En hver sem reynt hefur að hugleiða veit að hugurinn sjálfur er stærsta hindrunin milli okkar sjálfrar og þessa meðvitundar. Hugurinn er óagaður og óstýrilátur og berst á móti allri viðleitni við að aga eða beina honum í ákveðinn farveg. Hugurinn á sér sinn eigin huga. Það er þess vegna sem svo margir sitja í hugleiðslu og upplifa aðeins draumóra og eigið ímyndunarafl og dagdrauma. Þeir ná aldrei kyrrðinni sem greinir á milli ósvikinni reynslu af  dýpri hugleiðslu.
Okkur er kennt hvernig við eigum að haga okkur í hinum ytri heimi en okkur en aldrei kennt að vera kyrr og skoða hvað er innra með okkur sjálfum. Þegar við lærum það í gegnum hugleiðslu, náum við mestri hamingju sem nokkurn tímann er hægt að öðlast í lifenda lífi. Öll gleði og hamingja í hinum ytra heimi er tímabundin en hamingja af hugleiðslu er geysimikil og  endalaus. Þetta eru ekki ýkjur þetta er sannleikur  sem rökstuddur er af þeim sem hafa afsalað sér heiminum og upplifað sannleika og frá þeim sem halda áfram að lifa í okkar heimi en eru þó ósnortnir af honum.

Hugleiðsla er praktískt tæki til að róa sjálfan sig og láta af hlutdrægni og sjá hvað er með opnum og skýrum huga. Þetta er leið til að þjálfa hugann þannig að þú ert ekki auðveldlega afvegaleiddur og flæktur í hringiðu daglegrar rútínu. Hugleiðsla kennir þér hvernig þú getur skipulega  kannað innri víddir þínar. Þetta er skipulag skuldbindingar en ekki boðorða. Þú skuldbindur þig við sjálfan þig, þína leið og við það markmið að þekkja sjálfan þig. Á sama tíma ætti sá lærdómur að vera rólegur og kyrr en ekki að verða að seremónínu eða trúarlegu athæfi, heldur nauðsyn líkamans.
Hugleiðsla er í raun að læra að vera kyrr. Kyrrðin verður að byrja í líkamanum, sitja með beint bak. Finna sér góðan stað þar sem lítir óreiða er og þar sem þú verður ekki fyrir truflun. Fyrst kyrrum við líkamann, slökum á hverjum vöðva og hverri sin. 
Hugleiðsla er listin að gefa eftir. Þegar líkaminn er slakur og kyrr, færum við einbeitinguna  að andardrættinum. Skoðum hann, hvernig  öndum við, hvernig bregðast lungun við, þú verður að dýpka öndunina nýta allt lungnarýmið ekki bara anda brjóstöndun, heldur þindaröndun láta þindina stjórna. Halda áfram að skoða öndunina, fylgjast með henni án þess að reyna að stjórna. Í fyrstu er öndunin óregluleg en smám saman verður hún regluleg og jöfn. Hugleiðsla er aðferð til að gefa sig fullkomlega að því sem þú hefur kosið að einbeita þér að.  Í þessu tilfelli að önduninni. Leyfðu sjálfum þér að upplifa öndunina á opin hátt. Ekki dæma eða reyna að stjórna eða breyta. Opnaðu sjálfan þig svo mikið svo það verði engin skil milli þín og öndunar þinnar. Þannig munu margar hugsanir koma upp í hugann: ,,Er ég að gera þetta rétt? Kannski hefði ég átt að loka glugganum. Hvenær er þetta búið? Ég gleymdi að hringja mikilvægt símtal. Mér er illt í hnakkanum.” Hundruð hugsanir munu koma, en hver hugsun mun kalla fram viðbrögð: dóm, gjörð, áhuga að skoða hugsunina nánar, að reyna að losa sig við hugsunina. 
Á þessu stigi  áttu bara að vera án þess að gera nokkuð, þú munt uppgötva hversu órólegur hugur þinn er. Hann mun fara hingað og þangað, en það er bara vandamál þegar þú samsamar þig að huganum og bregst við viðkomandi hugsun. Ef þú gerir það ertu veiddur í net óróleikans, en ef þú barar skoðar hugsanirnar þegar þær koma án þess að bregðast við þeim, þá geta þær ekki lengur truflað þig. Mundu það er ekki hugsunin sem truflar heldur viðbrögð þín við þeim.
Hugleiðsla er mjög einföld. Hugleiðsla er að veita athygli. Þú getur byrjað að veita öndun þinni athygli og ef hugsun kemur, veittu henni athygli, taktu eftir henni, vertu opin gagnvart henni og hún mun líða hjá. Þá veitir þú aftur önduninni athygli. Venjubundið atferli er að bregðast við hverri hugsun, sem gerir þig önnum kafinn í hafsjó ringulreiðar. Hugleiðsla  kennir þér að veita athygli því sem er að gerast án þess að bregðast við, það er það sem skiptir öllu máli. Það gefur þér frelsi frá huganum og í þessu frelsi ferð þú að upplifa hver þú ert. Þú upplifir innri gleði og ánægju, þú upplifir feginleik og innri slökun og þú finnur hvíld í allri ringulreið hversdagslífsins. Þarmeð ertu búin að gefa þér  innra frí. Þetta innra frí er ekki afturhvarf frá heiminum heldur grunnur að innri friði. Þú verður líka að læra að beita tækni hugleiðslunnar  á daglegt amstur hversdagsins þannig nærðu meiri árangri í þínu lífi. Með því að stunda hugleiðslu lærir þú að vera opin fyrir því sem kemur inn á borð til þín og gefa því alla þína athygli.
Venjulega, bregst þú við  upplifun á sama hátt og við hugsunum þ.e. ef einhver segir eitthvað neikvætt við þig, verður þú reiður eða leiður. Ef þú týnir einhverju kemstu í tilfinningalegt uppnám. Skap þitt miðast af því sem þú tekur þér fyrir hendur og útkoman verður svolítið eins og rússíbanaferð. Þú bregst við áður en þú hefur að fullu meðtekið við hverju  þú ert að bregðast við. Þú ert strax búin að túlka það sem þú sérð eða heyrir miðað við væntingar þínar, ótta þinn, fordóma eða mótþróa. Þú styttir þér leið með upplifun þína og miðar við svipaðar aðstæður og færð sem útkomu eina eða tvær fyrirséðar leiðir í staðinn fyrir að bregðast við aðstæðum með opin huga og frumleika.
Ef þú beitir tækni hugleiðslunnar gagnvart því sem kemur til þín getur þú veitt því óskoraða athygli þína. Þú skoðar viðbrögð þín án þess að bregðast við þeim viðbrögðum strax. ,, Svakalega finnst mér ég  ógnað af þessu “. Vertu opinn gagnvart þínum viðbrögðum, leyfðu öllu að komast upp á yfirborðið ekki bara einhverri fastmótaðir tilfinningu eða viðbragði heldur leyfa þér að upplífa meira og velja síðan þau viðbrögð sem gagnast þér best í þetta skipti. 
Þannig verður hugleiðslan að meðferð, sem leiðir til innra jafnvægis og stöðugleika en að sama skapi koma veikleikar þínir og venjur upp á yfirborðið. 

Vertu þolinmóður, hugleiddu helst á hverjum degi. Hver verkun hefur gagnverkun. Það er ekki hægt að hugleiða án þess að finna fyrir og njóta ávinnings. Þú tekur kannski ekki strax eftir þeim en hægt og bítandi byggir þú upp  undirvitundina sem  mun hjálpa þér þegar til lengri tíma er litið. Ef þú sáir fræi í dag muntu ekki uppskera á morgun en að lokum muntu gera það. Það tekur tíma að sjá árangur, gefðu þér tíma. Hugleiðsla þýðir að komast smám saman til botns á öllum sviðum lífs þíns, eitt af öðru. Vertu heiðarlegur við sjálfan þig. Ekki láta skoðanir og upplifanir annarra trufla þig – vertu einbeittur á þitt markmið. Það  er hugur þinn sem leyfir þér ekki að hugleiða. Að vinna með huganum þarfnast mikillar þolinmæði.
Í fyrstu muntu sjá árangur á sviðum slökunar og skapsveiflur minnka. Seinna muntu sjá fleiri minniháttar breytingar. Margar hverjar mjög smávægilegar í fyrstu en geta skipt sköpum á innri vellíðan. Haltu áfram vertu þrautseigur og þú munt finna að hugleiðslan mun leysa þig undan oki kvíða og undan áhyggjum og veita þér frelsi til að vera  hér og nú. 

Skoða stundaskrá í jóga