[heim]

Heilsukornið

Hér munu birtast góðar uppskriftir að ýmsu heilsusamlegu.

Speltbrauð 

4 dl spelt
1 dl af einhverjum fræjum t.d. sesamfræ, graskersfræ, sólblómafræ
smá af grófu haframjöli t.d. tröllahöfrum eða nota það sem til er!
1-2 gulrætur (skafnar) ( má sl.)
3-5 tsk vínsteinslyftiduft eða 2 venjul. lyftid.
tæp tsk sjávarsalt
1  1/2-2 dl ab-mjólk
1 1/2-2 dl sjóðandi heitt vatn

Setjið þurrefnin í skál hellið vökvanum varlega saman og hrærið 
eins lítið og hægt er
setjið deigið í smurt brauðform og bakið í 30 mín við 200°C
ég vel að klæða formið með smjörpappír minna uppvask.
 

Grunnuppskrift úr Grænn Kostur Hagkaupa  en stílfærð og breytt 

Graskersbrauðið hennar Sigrúnar
3 stór egg
150 gr. hrásykur (má vera minna) eða nota agave sýróp
1 dl grænmetisolía t.d.  ljós ólífuolía
300 gr. spelt
2 tsk matarsódi
1 1/2 tsk kanill
1/2 tsk salt
1/2 tsk negull
480 gr graskersmauk ( fæst í dós í Hagkaup)
200 gr döðlur gróft saxaðar
100 gr. valhnetur

Hitið ofninn í 175C
Egg, sykur og olía þeytt saman. Þurrefnum bætt útí. Graskersmaukið bætt við og síðan döðlum og hnetum með sleikju. Sett í eitt stórt form eða fleiri lítil. Bakist í 1 klst og 20 mín eða minna ef formin eru fleiri.

Spelt-sælubrauð
4 bollar spelt eða blandað mjöl (rúg- hafra- byggmjöl)
5 tsk vínsteinslyftid. eða 2.5 venjul.
1.5 tsk Maldon salt
5 tsk kúmen eða korn að vild (hör- graskerja- sólblómafræ)
1 lítil dós kotasæla
fjörmjólk eftir þörfum
Ath deigið skal vera blautt, allt hrært saman með sleif sett í mót klætt smjörpappir og bakað við 160 c á blæstri í 50 mín.

Bananabrauð, algert nammi!
2 bollar spelt
1 bolli sykur (ég nota minna) eða 1/2 bolli agave
1 egg
2 tsk lyftid.  eða 4 vínsteins
1/2 tsk Maldon salt
2-3 mjög þroskaðir bananar
gott að stappa með hnefa af allbrani eða kellogs

Stappa banana setja allt í skál og hræra með sleif. Skutla í smjörklætt form. Baka í klukkustund  við 175 c

Dásamlegur Jógahafragrautur
uppskrift frá Guðjóni Bergmann

1 bolli grófir hafrar
2-3 bollar vatn
1 msk hörfræ
1/2 tsk kanill
1/2 tsk salt
1/2 tsk kardimommur
slatti af rúsínum

allt soðið saman
góður með mjólk eða rjóma
 

Einfaldur hafragrautur á fjórum mínútum:
2 dl hafrar
3-5 dl vatn (fer eftir smekk)
smá sjávarsalt 
rúsínur ef vill
Allt soðið saman í 3-4 mín.
Ég set allt í pott á morgnana kveiki undir 
fer í sturtu og grauturinn er tilbúin eftir sturtuna. 
 

Speltvöflur:
3 dl. Spelt t.d. frá Doves farm
1 tsk vínsteinslyftiduft
Smá sykur helst hrásykur
¼ tsk sjávarsalt
1 msk ólífuolía (má sleppa)
2-3 dl ab-mjólk og mjólk ef vill
2 egg
smá vanilla ef vill
 

Hrært saman og bakað í vöfflujárni. Nota ís eða rjóma með, maður má ekki alveg fara á límingunum í hollustu.
 

Grillaður steinbítur algert æði:
1 gott steinbítsflak roðflétt
1 Stóri Dímon
1 rauðlaukur
Salt, pipar og rósmarín
álform á grillið

Smyrjið álformið, sneiðið fiskinn í jafna bita, kryddið með rósmarín salti og pipar, sneiðið væna ostsneið á hvert stykki. Dreifið sneiddum rauðlauk yfir hverja sneið og grillið þar til fiskurinn er tilbúinn. Berið fram með hýðishrísgrjónum, vænu grænu salati og fetaosti.
 

Grænmetissúpa Gunnhildar Bennett
1,5 l vatn
500g gulrætur
200g sætar kartöflur
50 g sellerí (ég set oft meira, mér finnst sellrí gott)
Hálfur eða 1 lítill blómkálshaus eða eftir smekk
 
Allt skorið frekar smátt og soðið í 20 mínútur
Maukað með töfrasprota eða í matvinnsluvél
 
2-3 grænmetisteningum bætt í
 
Síðast 1 msk kalt smjör og sítrónusafi kreistur yfir, sítrónan gefur nauðsynlegt frískt bragð. Salt og pipar.
 

Speltsnúðar
4 dl spelt
2 dl möndlur og hnetur
2 tsk vínsteinslyftiduft
1 msk kanill
smá salt
2 msk ólífuolía
1 1/2 dl ab-mjólk 
 

sykurlaus sulta
kanilsykur

Blandið þurrefnum saman, bætið olíu og vökva útí og hrærið saman. Fletjið deigið út, smyrjið sultunni yfir og stráið kanilsykri yfir (eða bara kanil) rúllið deiginu upp og skerið í sneiðar. Setjið á bökunarplötu klædda með bökunarpappír. Bakið í 200 °C í 12-15 mín.